【A&M Diary】通常大家去長洲都bookmark咗唔少小食名物，好似芒果糯米糍、大魚蛋等等。但今日我哋嚟長洲唔係掃街，因為有長洲在地人推介好味米線俾我哋，所以就嚟到火車頭酸辣小窩試吓蜆肉米線湯啦！
蜆肉紫菜湯豬頸肉米線
食米線通常都係食酸辣湯底或麻辣湯底，呢度都有，但在地人推介，如果第一次嚟一定要食蜆肉紫菜湯底，真係無介紹錯呀！
上枱第一時間先飲啖湯，湯底充滿紫菜同蜆肉嘅精華，好鮮甜呀！蜆肉份量勁多，足足有二十隻，完全無沙，尚算肥美！紫菜當然都無沙，好香。至於加配嘅豬頸肉就正正常常，軟腍入味。最後差唔多飲晒個湯，但一啲都唔口渴。
