【A&M Diary】香港人真係好鍾意食米線，除咗連鎖嘅米線餐廳，好似每一區都會有一間米線嘅代表舖頭。而我哋今日自駕遊嚟到屯門，在地人就介紹我哋呢間位於輕鐵新墟站同景峰站中間嘅雲貴風正宗雲南米線，一於試試啦！
炸雞翼
雞翼即叫即炸，夠晒新鮮熱辣！小食一份有4隻，外皮脆卜卜，入面仲好juicy。不過，肉就未夠入味喇。
M佬之選：麻辣豬耳+魚腐小麻辣米線
每碗米線嘅配菜都有芽菜、韮菜、酸菜同辣肉碎，而餸方面，M佬就揀咗麻辣豬耳同魚腐。豬耳好脆，勁有口感；而魚腐驚喜有4粒。至於湯底嘅麻味好香，湯底超香濃。
