【Now新聞台】截至早上11點，1小時內《彭博》用戶關注度上升最多的港股，依次為普拉達、佳兆業集團、恒基地產、禹洲集團、美團。
內房股佳兆業今朝逆市跌5%，公司噚日公布，考慮用註銷股份嘅溢價帳(share premium account)進帳內約2.8億港元，派付中期息4港仙。
截至今年中，公司有近500億人仔現金，長短債加埋都有1200億人仔，點解唔用返內部現金派息？
英皇證券銷售部副總裁林建華認為，公司咁做明顯係唔夠現金流，畀小股東感覺好差。不過，從另一角度睇，佳兆業過去發展得幾進取，依家留返多啲現金喺手，等現金流健康啲係好事。
