【Now新聞台】截至早上11點，1小時內《彭博》用戶關注度上升最多的港股，依次為恒基地產、新鴻基地產、長實集團、新世界發展、中國平安。
頭四隻上哂榜嘅都係地產股，全線被洗倉，臨近中午跌勢都未喘定。《路透》上周五報道，發展商被要求解決房屋短缺問題，內地共同富裕概念似乎蔓延至地產股。
耀才證券研究部經理譚智樂話，市場出現panic sell，有啲強勢板塊都獲利回吐，例如車股同體育用品股，唔關政策事。恒指下降軌在23800至24000點水平，市帳率(PB)已接近1倍，短線風險因素或愈嚟愈多，PB很有可能再超過1倍，依家嚟講只係得減持可以做，尤其喺正市場風眼位嘅地產股，喺呢刻揸返50%現金會穩陣啲。Arnold坦言，大市跌穿25000點嗰陣已經係減持訊號，嗰陣冇走就跌咗千點，依家再唔走唔排除愈跌愈有，如果仲想繼續揸喺手，就要有心理準備，衡量埋相關股份嘅基本面諗唔諗得過。
