【Now新聞台】截至早上11點，1小時內《彭博》用戶關注度上升最多的港股，依次為中國飛鶴、華潤置地、中國海洋石油、中國石油股份及中國恒大。
作為內地最大嬰幼兒配方奶粉本土品牌，飛鶴今日喺冇乜特別消息下，股價創52周新低，一度低見12.52元。雖然中央提出三孩政策、加強監管課外補習等，有助降低生育成本鼓勵生育嘅政策，但點解飛鶴上市後一直尋底？
大華繼顯執行董事梁偉源指，飛鶴股價年初已「腰斬」，其中一個主因係，中央關注嬰幼兒奶粉價格會影響生育意慾，令飛鶴股價一路尋底。佢估計，呢類股份短期都唔會有利好消息，如果未來冇政策可以幫嬰幼兒奶粉公司減壓，好難扭轉投資者嘅睇法。
