【Now新聞台】【Now財經台】截至早上11點，1小時內《彭博》用戶關注度上升最多的港股，依次為新力控股(02103)、郵儲銀行(01658)、新鴻基地產(00016)、中國恒大(03333)、恒基地產(00012)。
恒大債務危機繼續發酵，股價今日再尋底，但大行繼續派定心丸，花旗、大和估計，中央最終都會出手，花旗更指，恒大問題唔太可能變成「中國版雷曼兄弟」，但評級機構標普就持相反立場。
股評人李偉傑估計，中央會喺恒大命懸一線時出手，因為如果太早救，會向市場釋出負面訊號，加上拯救行動難度唔係太高，因為恒大嘅情況冇雷曼咁惡劣，只要由中央同國企或大型銀行接管，同埋銀行容許恒大貸款續期，就可以大步攬過。
