【Now新聞台】截至早上11點，1小時內《彭博》用戶關注度上升最多的港股依次為：創科實業、聯想集團、世茂集團、江西銅業股份、希慎興業。
美國加息憂慮升溫，創科最大客戶Home Depot上日美股跌4%，創科今日最多曾跌10%，一度低見133.4元。創科近一年幾次調整落去50天線(即135元)都搵到支持，今次係咪都唔例外？
耀才證券研究部經理譚智樂指，原料價格都升咗好多，毛利率會唔會跌，要睇能否轉嫁成本同加價。呢啲因素有待觀察，但市場已經開始驚。
Arnold話，如果投資者好有信心公司轉嫁到成本，短線可以喺50天線附近分注吸納，但原料價格升得好誇張，半年內升近40%，毛利率跌似乎係大趨勢。Arnold建議等股價回落至120元左右再博會好啲。
