【Now新聞台】【Now財經台】截至早上11點，1小時內《彭博》用戶關注度上升最多的港股依次為，康希諾生物、中國生物製藥、海底撈、澳博控股、希望教育。
美國政府宣布支持藥廠放棄新冠病毒疫苗專利，以盡快結束疫情。消息重挫各地疫苗概念股，「Ｂ仔股」康希諾中午收市大插近21%，報289元，持有科興股權嘅中生製藥則跌近6%，報7.91元，兩隻股份都插穿50天線。
英皇證券銷售部副總裁林建華指，康希諾股價已升上高位，相信今日散貨以基金為主，並唔係「驚弓之鳥」嘅表現。雖然康希諾、中生製藥冇同美國公司開發疫苗，但美國放棄專利，勢將大幅降低疫苗價格，令產品難以同平價疫苗競爭。Anthony認為，近期印度疫情非常嚴峻，美國為挽回國際形象及控制疫情，的確好大機會公開疫苗嘅配方。
