【Now新聞台】截至早上11點，1小時内《彭博》用戶關注度上升最多港股，依次為建設銀行、融創中國、恒生銀行、澳博控股及交通銀行。
今日上榜大部分係息口敏感股，又以銀行股佔最多，表現亦跑贏大市。理論上加息有利銀行股息差，長息升亦利好收入，再加埋今日有避險作用嘅公用股跑出，係咪反映市場避險情緒升溫？
安山資本資產管理部董事黃志陽指，好難準確講到市場到底擔心緊乜嘢，但華融事件、方正事件等，都反映中央嘅取態，就係愈來愈傾向呢啲公司自行解決，導致大型銀行股之前跌唔停。佢又話，美國財長耶倫突然變鷹，話可能提早加息，同埋北水聽日就會「開閘」，可能令之前造空嘅投資者趁機補倉。
Jason又指，港股今日開始反彈，雖然反彈幅度唔算大，但如果氣氛可以持續，加上北水聽日就會返嚟，唔排除港股未來幾日可以持續。
