【Now新聞台】截至早上11時，1小時内《彭博》用戶關注度上升最多的港股依次為:美團、江西銅業、富力地產、中國神華及中國飛鶴。
美團半日成交金額過百億元，佔大市成交差唔多八分之一，北水放完假回歸後，美團係北水淨沽出較多嘅個股。市監局繼續針對互聯網平台整改出手，令個別新經濟股受壓，但美團係特別傷，今朝一度插近10%，250天線都保唔住。
圓通環球金融集團行政總裁曾永堅指，美團CEO喺社交媒體發布古詩《焚書坑》，引發市場熱烈討論，篇古詩之後刪咗，市場擔心美團CEO講錯嘢，或引錯典故得罪中央，令美團步阿里巴巴後塵，成為下一個打擊對象。
曾永堅建議投資者應該沽出或減持美團，原因係...
