【Viu】Calling總部！Calling總部！地獄小隊集合！Ali李佳芯 x 阿Dee何啟華@ERROR x Peter陳湛文 x Eliz劉漪琳，合體演出舞台劇《見面即地獄》，唔知佢哋第一次見面嗰個moment有咩感覺？地唔地獄？
呢4個人嘅關係非常清晰，Ali同Peter係飾演一對情侶，好自然阿Dee同Eliz就係一pair啦，但佢哋唔係情侶啵，而係新相識嘅「尋歡」對象！Eliz劇透同阿Dee玩過火，至於阿Dee就爆有摸嚟摸去嘅情節，Peter聽到就9秒9推薦自己嗰套超大尺度電影《三夫》畀阿Dee做參考，笑到肚痛呀！
首次演舞台劇嘅視后女神Ali就謙稱好淆底，好彩有「前輩」阿Dee教路，但凡一上台板想點做就點做：「你最大！」阿Dee同Peter繼另一套舞台劇《你好，打劫！Return》後，短期內第二次合作，今次諗住點玩轉個舞台先？最後佢哋每人都share咗件「地獄事」，地獄指數有幾粒星？咁就交畀你哋睇完片之後評分啦！
