【MOBILE】「苟姑娘」苟芸慧昨日（16日）索爆現身活動，大晒4吋驕人事業線，火辣指數爆燈，復出狀態弗到漏油！香車配美人，唔知呢位美人有幾多架香車呢？手車又辣唔辣嘅呢？當講到賽車話題，苟姑娘成個人自動帶氣勢，久未再落場嘅佢話暫時只靠打賽車game止手痕，佢又重提當年喺珠海考牌嗰陣，喺彎位失控凌空翻起3周致肋骨裂開意外，最終點樣克服出事現場「苟姑娘彎」？會唔會有陰影？
苟姑娘透露明日（18日）就入陸劇劇組開工，為復出嘅第一炮，預告係一部時裝劇、喺廈門拍攝，角色係需要講國語嘅！雖然未能公開有咩對手演員，但苟姑娘賣關子話係有一眾小鮮肉，可以畀佢了解新一代演員咁話！劇情會唔會就係姊弟戀先？之後再講到香港嘅小鮮肉，苟姑娘點名想孖同樣都係零死角嘅Jeffrey合作，仲爆雙方係有段淵源㗎啵！
關心到苟姑娘嘅愛情生活，依家有冇小鮮肉或者啱傾嘅對象追求？會唔會係一見鍾情？苟姑娘聞舊愛羅天宇拍拖大方送上祝福！另外，想知苟姑娘仲有咩復出大計嘅話，就即刻去片睇足本訪問啦！
