【Viu】Jeffrey魏浚笙同馮志強導演今日出席《浪花男女》電影全記錄簽書會，Jeffrey仲專誠以眼鏡Look嚟增加書卷味，又笑談「淫賤眼鏡」嘅規格，So Funny呀！講到書中嘅半裸滑浪造型相當吸睛，Jeffrey自言唔滿意身形，事關半蹲姿勢令自己「一腩無遺」，雖然佢話無意出寫真集，但笑言要睇錢做人，各位「咖啡豆」集資有得諗喎！
笑問會唔會送書畀「頭號Fans」阿正，Jeffrey語出驚人話老Best係「由內到外」咁支持自己，又搞Gag話正姐下盤夠穩，學滑浪有著數喎！再追問佢期唔期待睇到正姐著Bikini，Jeffrey竟然一秒落閘！嘩！真話可以咁大聲講㗎咩？
此外，由於最近重播劇集《I SWIM》，Jeffrey都話勾起好多熱血又青春嘅回憶，並預告另一新劇《地獄大狀》即將推出，仲用招牌「煨Sir」Mode嚟形容自己點樣演技大爆發，笑爆全場呀！想知就睇足本訪問啦！
