【Viu】古天樂一連兩場澳門個唱上周六（29日）晚開鑼，佢全晚走勻四面台落力表演！古生以紅色西裝look，唱出《新手戀愛》，勁有feel，一班「古太」仲唔暈得一陣陣！佢後來唱出《百年好合》唔啱音情歌《暗戀王》，「自從在峨嵋山上見到你」，真係見字都有聲！當佢唱完後隨即介紹Sammi鄭秀文出場，二人邊唱《煞科》邊狂扭，盡晒全力跳唱，呢對老拍檔勁有默契！
Sammi唱完歌之後，就好開心咁講：「古仔」，兩個人隨即喺一片歡呼聲下抱抱！Sammi一場嚟到仲唱咗《終身美麗》，佢興奮表示：「喺度再一次恭喜古仔開第一次個人演唱會，希望佢唱到90歲嘅時候，記得一定要繼續搵我做嘉賓啊，答應你一定嚟！」
後來古生行去觀眾席唱《天真》，仲親切握手！「城寨二子」林峯、胡子彤就繼續同古老闆唱《Monica》，「 Thanks Thanks Thanks Thanks 龍捲風」！古生都「好忙」，又見佢拎住巨型吉祥物公仔唱慢歌《並肩同行》，都好有味道！
人緣好好嘅古生仲請嚟多年老友「小豬」羅志祥做嘉賓，二人早年拍廣告結緣，今次首次同台合唱《第一次》向張國榮致敬，小豬都唱得頗流利啊！ 兩位型男攬攬之後，小豬就話：「好耐無見」，古生用國語問：「你為什麼要唱？」小豬指古生嘅國語講得好，古生竟然笑指小豬借啲意講粗口，兩人妙語連珠，小豬仲大爆古生曾經「新娘抱」佢去酒店房張床，又要求即場重演，古生勉為其難照做，笑C！小豬喺唱《戀愛達人》最後一句時改歌詞「古老闆我愛你」，wow！仲等？Click入嚟睇片喇！
