【Viu】張繼聰今日出席兒童網絡安全講座，分享點樣輔導子女正確使用網絡同社交平台，仲話試過畀阿仔寸自己唔識玩Social Media添！講到張家有子初長成，阿聰直言唔會禁止阿仔睇色情網站，事關大個仔咁做好正常，反而自己會鼓勵阿仔嘗試拍拖，理解現實世界同網絡世界嘅分別。阿聰又以自己早排被指「影相黑面」嚟做例子，教導囡囡分辨網上資訊嘅真偽，果然係Smart嗲哋！
講到早前任古天樂演唱會嘉賓，阿聰直認係成就解鎖，最欣賞內向含蓄嘅古老闆肯衝破重重心理關口，又唱又跳，尤其係鋼管舞嗰part真係High爆全場呀！咦？咁不如問埋古老闆借條鋼管去《人夫集團》表演啦？阿聰梗係有諗法啦，仲爆埋呢個騷嘅瘋狂Idea，想知就睇足本訪問啦！
