【Viu】古天樂超額完成兩場首次紅館騷，風騷直入後台開香檳慶祝，心情靚爆變「黃大仙」喪派心、飛吻兼大擺《今期流行》拜神舞pose！點知喺chit chat環節突然自爆一唱完就虛脫？佢笑言以為開騷會好緊張，點知現實係極冷靜，多次重申開騷只有一個目的，就係盡力做到最好令古迷睇得開心，係愛呀哈利！
講到最後成功被古迷召喚上台再encore，揀「哥哥」張國榮首《風再起時》嘅背後原因係咩？古生坦言哥哥喺佢心中佔一重要席位，源於當年被哥哥公開點名睇好，所以決定開騷就特別安排part飛天360向哥哥致敬！
另一心中佔重要位置嘅仲有劉德華，古生話雙方私下約食飯，表揚劉華領導成個娛樂圈，喺噚日綵排嗰陣獲照顧好感動，係一位對後輩非常好嘅大哥哥！
至於談及「阿姐」汪明荃，古生直言阿姐對綵排好認真，full dress上陣，對阿姐模仿返當年個《熱咖啡》黑絲look，佢又點睇？由當年嘅伴舞，變依家喺紅館舞台同阿姐對唱《熱咖啡》，古Daddy話係無憾！佢又偷爆媽咪嘅偶像就係阿姐，綵排前傾咗半粒鐘仲拉埋佢一齊集郵影合照添！
另外，當然有問古Daddy喺嚟緊嘅澳門騷再有邊位嘉賓、有咩花臣啦！同埋之後會唔會搞tour，佢又點答？呢次跳舞跳得咁開心，連pole dance都跳埋，有冇跳上癮先？想知就去片睇足本訪問啦！
