【Viu】繼續見證古天樂紅館騷頭場，高潮點止一個，有請最強老Best宣萱，二人合唱新歌《無時空之戀》，全場尖叫呀！Jessica不忘笑古生係繼修哥胡楓後第一次開騷而最老嘅歌手，古天樂即自嘲改名叫「古月木風」，古生即示威駁嘴：「你同我差唔多年紀㗎！」腹肌是咁練成的！
輪到Tyson Yoshi上台孖古、宣合唱《紀念日》，唱完後Tyson笑稱為免冇嘢講尷尬，預備咗兩架玩具車仔送俾二人。之後古仔又高空360環節翻唱「哥哥」張國榮經典《不羈的風》等，更即場喺台上Quick Change並公開感謝古迷支持。
古天樂又以自己名曲《天命最高》、《男朋友》送一眾古太，戴超嘅佢仲感動到講唔到嘢，又自嘲：「第一次開演唱會乜都唔識，可能唱得唔好，但我已盡力！」
嗱嗱另一個高潮係78歲Liza姐汪明荃再以經典黑絲上陣唱《迷人Pink Lady》 ，之後再子古仔合唱《熱咖啡》，OMG勁正呀！不過古Daddy就怕醜豬唔敢直視Liza姐對美腿喇！但都好識做為阿姐準備咗生日蛋糕預祝對方嚟緊28號79歲生日，係愛呀！
眨吓眼就Closing喇！古生為全場古迷預備咗佢本尊講明係黑歷史兼最唔想唱嘅歌《今期流行》，大癲呀！仲等？入嚟睇片啦！
