【Viu】Jeffrey魏浚笙一星期連續出動咗幾日，笑言係密密為新碟「撲水」，率先預告新碟會有10首全新歌曲，堅係大製作喎！佢喺Nancy新歌《How could you？》MV入面嘅一幕公主抱近日被網民狂loop，就連Lewsz都有向Jeffrey致敬突擊抱起陳蕾，Jeffrey搞笑評Lewsz唔夠佢英勇喎，咁唔知當時佢抱起Nancy幾多次？有冇手軟腳軟先？
今日佢出席嘅活動以fashion為主題，如果10分滿分，Jeffrey自評fashion sense幾多分？平時出job都係由經理人兼女朋友襯衫，求生欲強嘅佢秒讚女友獨具慧眼！Jeffrey又自爆曾有內衣品牌邀約，點解最後唔成事？驚出到嚟個畫面太震撼？Jeffrey貼心以3點解釋！而陳志雲最近喺節目中嘅衣着成關注，更有網民將套outfit key落Jeffrey身上，Jeffrey話有留意覺得幾得意，着衫最緊要係自己舒服！
VIVA即場帶嚟《BABY Savage》演出，講起早前喺騰訊頒獎禮攞獎，4女開心獲肯定，希望開騷願望早日實現！團內兩位唱將Ada、Macy最近battle唱功，嚟到第3 round Macy暫時領先，Ada點拉票？兩位有冇因為battle而感情生變？「中間人」Carina、VALC點樣維持團內和平？另外，Carina出新歌點同Vitamins互動？同場仲有MC Brian陳安立、Brian@廿四味孖老婆兼韓國前女團成員Annie Lee、Kai Cheung、Hei等，即刻去睇足本訪問啦！
