【Viu】由劉德華出品嘅舞台劇《你好，打刧！RETURN》第三度公演，主演嘅Dee何啟華、李芯駖、麥沛東、Peter陳湛文、巢嘉倫 、王俊傑、導演魯文傑，今日現身記者會。Dee哥同Peter新加入分別演劫匪、銀行經理。
眾人早前圍讀時已獲華仔到場打氣，Dee哥笑稱未入行前成日扮華仔，而家自覺醜化咗本尊感愧疚，又投降表示唔敢效法張家輝唱「忘情水水水」，SLDPK！Peter則公開爭取想孖芯駖眉來眼去談談情，巧大膽喎！
而麥東就話今次段「消費論」希望「射波」俾其他演員一人講啲分擔吓！講到上次《你好，打刧！Reunion》時有喪摑芯駖環節，咁有冇收到對方fans刀片？綵排時芯駖仲抵死笑稱塊面腫咗，嚇屎麥東，芯駖想掉轉角色報仇。
講到「自轉」一part都係經典，芯駖話今次有機會升呢，唔通拱橋？佢又爆最近學緊中國武術，今次由銀行經理角色升職做導演嘅魯文傑即話要加耍棍戲俾芯駖添！佢仲謙稱非升職反而乜都要做，想睇就睇片先啦！
