【Viu】「鬼王」潘紹聰趁今日農曆七月十四「鬼節」，舉行哈囉喂劇場《請勿打擾》x「恐怖在線」現場版嘅記者會，孖一眾主演阿Dee@ERROR、Candy@COLLAR、麥沛東、Eric梁嘉進現身！即場宣布再加開一場，現暫定21場，10月尾起喺壽臣劇院公演！
阿Dee笑稱完全唔驚啲「Friend」，而舞台劇新人Candy就話之前拍過同類型嘅電影，所以有相關經驗，加上心臟強大，都唔係太驚！阿Dee為咗證明同啲「Friend」堅係老友，即場share咗單親身經歷出嚟，估唔到阿Dee喺撞鬼呢方面嘅異性緣都咁好喎！
講到P1X3L唱片約歸公司，成100%有血緣師弟，師兄阿Dee搞笑話可以毫不留情咁直接打壓，仲爆呢場「戰爭」原來已經喺前日「開火」添！
潘聰就感謝fans支持，講到每年嘅「傳統」、喺Part 2搵嘉賓上台分享靈異經歷，佢笑話上年已經碌盡人情牌，所以依家勁頭痕！唔知阿Dee今年會唔會叫返Alton、Lokman上台撐返自己？Candy就笑話呢part除咗可以搵最驚鬼嘅Gao上台之外，仲可以call埋「靈異（02年出世）人士」嘅Day、Marf！
「三朝元老」麥東上年半裸演出，佢話今年會有震撼演出，莫非挑戰全裸？咁唔知佢對正面裸定背面裸更有信心？至於Eric呢次會同Candy發展一段超越友誼嘅關係，有冇親熱戲？驚唔驚收刀片？太親熱嘅話到時排戲又會收導演朱栢謙張紅牌？另外，夜總會大富豪早前宣布停業，鬼王曾喺上址舉辦過活動，佢又估唔估到咁快玩完？即刻去睇足本訪問！
