【Viu】舞台劇《你好，打劫！》三度公演，嚟緊暫定5月頭喺壽臣劇院公演9場Reunion，呢round仲新加入兩位「新血」朱栢康、芯駖@COLLAR！原來今次仲係導演朱栢謙同細佬朱康喺劇場上首次合作，一個嗌「難搞」、一個嗌「恐懼」，真係有咁驚？點知下一秒佢哋就互笠高帽，呢兩兄弟堅係鬼馬又善變呀！
講到朱康今次頂上「阿卵」楊偉倫嘅角色，佢抵死笑話要copy and paste阿卵嘅演出，朱謙甚至話每日都有拎阿卵啲片嚟跪拜攞靈感！唔知朱康今次又使唔使講韓文？
劇集《弊傢伙！我要去祓魔》噚晚大結局，「萬無極」朱謙笑話雖然未有去慶功，但都「食咗」唔少嘢，仲好proud of自己嘅演技令全場爆喊，希望真係開第二季！
電影《破·地獄》鐵定4月推加長版，朱康預告有追加到自己角色嘅情節！金像獎在即，朱康透露已經揀好戰衣，朱謙即場落order叫細佬：「一定要攞獎！」朱康更諗定攞咗獎會點獎勵哥哥呢位啟蒙老師添！
芯駖話首次演出舞台劇心情既興奮又開心同緊張，未試過要背咁多台詞之餘，仲係連場live演出！事前都有請教「前輩」Ivy So，但竟然唔係關於戲劇上嘅問題！面對劇中多位前輩、劇帝，芯駖笑言招架唔住，不過講到搞笑部份，刀姐自稱都係一名笑匠！
魯文傑就話好開心可以同芯駖對戲，期待到時一齊困獸鬥！三度演出同一角色嘅麥沛東，指有壓力，希望有突破！另外，COLLAR近日飛新加坡拍團綜，芯駖大叫呢個trip好難忘，勁多匪夷所思、驚險環節，就連生死狀都簽埋！佢更意外爆有成員依家黑到唔使再化妝，兼嚟緊會同Day跳新歌dance challenge呀！想知details就要睇足本訪問啦！
