【Viu】方力申首個紅館騷《方力申Perfect Moment 最佳時間演唱會2026》今晚開鑼，喺熄燈前老婆Maple葉萱抱住着裙仔、戴黑超嘅囡囡Isla登場，行前面開路嘅有方爸爸、方媽媽，Cute爆嘅Isla見到咁多人都勁淡定，坐到埋位仲起勢撩嫲嫲玩，會唔會太萌？
去到個騷後半part，小方變身万刀甲，同12位着住bikini嘅女dancers共舞，hot到爆呀！小方出盡奶力跳唱呢part，唱到最後更衝出T台一嘢除咗件白色背心大晒爆肌body，結實胸肌加一整排「朱古力」腹肌，操得太行了吧，睇到全場㷫烚烚呀！小方唱完後逐一同火辣bikini女dancers擊掌，但笑話礙於人夫身份唔敢直視，真係畀佢笑死！
之後小方換過另一套bling bling歌衫收埋副fit到漏油嘅body，邀請最後一位嘉賓出場，就係天后Kelly陳慧琳啦！兩位先合唱《好心好報》，再搵埋band leader Joey Tang臨時組新Dry樂隊jam《紀念日》！小方重組返搵Kelly做嘉賓嘅過程，Kelly則表示係嚟報恩㗎，仲自爆有睇小方幫囡囡Isla沖涼，係Isla嘅小fans，而小方亦不忘大讚愛囡勁好腳頭添！
相識滿天下嘅小方除咗獲林盛斌、劉浩龍、譚玉瑛、尹光、嘉盈、卡姐現身支持之外，更獲「四大天王」劉德華、郭富城、張學友、黎明，傅穎、鍾嘉欣、古巨基夫婦、鄭中基、林盛斌、張繼聰謝安琪、杜德偉、成龍、蔡卓妍、謝霆鋒、容祖兒、任賢齊、吳雨霏、謝天華、蘇永康一家、陳慧琳、薛凱琪、李彩華、梁詠琪、關智斌、小龍、黃伊汶、陳真、鄧健泓、石詠莉、胡定欣、尹光、薛家燕、Donald、阿占、周勵淇等送花籃祝賀Good Show！
