【Viu】方力申昨日（9日）舉行演唱會記者會，宣佈將於5月中舉行首次紅館演唱會，仲請嚟撞個唱海報嘅「真．波友」尹光嚟打友誼波，齊齊練氣備戰各自嘅演唱會！小方大讚太太同囡囡腳頭好，帶挈自己喺入行25年後終於首踏紅館，仲話提議過全家人上台做嘉賓兼影全家福，點知畀太太秒Ban！咁請嘉賓又使唔使得到太太批准呢？小方就話唔使喇，咦？咁係咪有望同Stephy喺紅館世紀合體呢？小方就話嘉賓名單要保持神秘喇！
對於個唱海報同尹光、羅志祥撞粉紅色衫，仲有網友出po話「點解啲老咗嘅男人開紅館都要著粉紅色西裝🤣」，原來小方都有睇到，仲親解情迷Shocking Pink之謎，真係SLDPK呀！而尹光亦沾沾自認喺造型方面走得夠前，但唔覺小方抄襲自己，仲公開爭取做小方囡囡契爺添！
此外，講到《揹水一戰》慈善跑疑因主辦方被指涉及邪教活動而要停辦，小方即刻變「大方」回應，想知就睇足本訪問啦！
