【Viu】天王郭富城今日以「馬年大使」身份現身馬場，開心話今年農曆新年有4位女神相伴更熱鬧！佢又話三公主郭詠心依家去到認人階段，同埋每個月都有變化！嚟緊城城又再飛台北拍新戲《老子》，同王柏傑最多對手戲，坦言好有挑戰性！
上次城城爆咗兩位千金超愛BABYMONSTER，點知喺一個禮拜後收到BABYMONSTER親手準備嘅大禮，勁happy呀！咁啱幫城城排舞嘅排舞師係同BABYMONSTER排舞，會唔會太有緣份呀？
而啱啱喺紐約返嚟嘅Kelly陳慧琳，話今年特別忙，預告嚟緊會舉行新歌發布會！同AGA合作，嚟個《薰衣草》延續版，唔知MV又會唔會再邀請男神金城武演出？抑或係搵「翻版宋仲基」大仔「蝦餃仔」粉墨登場？兩位囝囝有冇帶女朋友嚟拜年？Kelly笑話老公有過兩招溝女招數畀兩個仔喎！
Kelly話都好耐冇見過城城，轉頭會問城城攞啲tips發新年財！至於講到佢噚晚（18日）為JACE擔任紅館騷嘉賓，Kelly話超high，下次開紅館騷都set企位？又開心話見到林家謙好surprise，收到陳蕾、洪嘉豪利是驚唔驚喜？
「黃金組合」農夫 x 麥玲玲合體大放笑彈！唔知呢個組合會唔會再出歌，嚟個《風山水起2.0》？嚟近農夫5月就喺紅館開騷，佢哋講明會搵埋玲玲，仲讚玲玲係帶錢做嘉賓！C君、陸永會搵阿Sa個健身男朋友操吓肌？
去年就忌外遊，今年玲玲話大家可以密密出動，不過呢年就會多啲是非，大家要忍讓多啲！陸永今年有機添丁？另外，農夫日前為Twins嘅fans meeting擔任嘉賓，佢哋同樣出道25年，都搞返個fans meeting？先睇足本訪問！
