【Viu】方力申今日獻出處男Busking宣傳下月中舉行嘅紅館演唱會，大方送上3首金曲《好心好報》、《大方》同《好好戀愛》，獲Joey Tang驚喜現身彈結他，猛呀！
小方話第一次Busking最驚冇Fans撐場，所以call行馬，最感動係好兄弟杜德智專登搬個鼓嚟打，笑言唔使封利是畀對方啦，事關自己滿足咗佢嘅表演慾！講到今日繼續以粉紅Look現身，小方解釋係瘦咗先著得落，本身已經入咗老婆衣櫃㗎喇，好彩自己瘦咗十幾磅咋，目標係再瘦多十磅，開騷時就可以騷肌喇！
至於日前喺內地登台時，同「高仿鄧麗欣」合唱《好心好報》，小方就解釋返箇中原因，想知就睇足本訪問啦！
