【Viu】Stephy鄧麗欣第二次開個人畫展《常·在》（Ever Near），佢受訪話畫展名同新歌《仍留在這裡》不謀而合，係講要留意身邊嘅事同物，要學會珍惜！畫展總共展出15幅全新作品，畫展未開始，經理人已經幫襯買咗一幅畫，咁男朋友又點支持？Stephy冧滋滋咁話男友成日擔心佢啲畫賣唔出，話幫佢買，不過Stephy講笑反問邊度有位擺？又話真係賣唔出先要佢包底咁話！
講到新歌MV搵胡希文演出，Stephy話覺得佢同自己閨蜜好似，閨蜜睇完都覺得唔止樣似，動靜都好似自己，Stephy都睇到眼濕濕，有啲感動！
講返之前喺Chill Club頒獎禮表演，佢話玩得好開心，可惜時間短啲，佢都唔知古天樂會表演，自己做完opening就走咗，睇唔到呢，仲笑言古老闆好多秘密，唔知好過知！
餅碎姊妹Kary做寄養家庭，Stephy話之前探Kary都有探埋小朋友，好surprise亦都好佩服Kary，覺得佢好偉大，聽到都覺得眼濕濕，願意負起咁大責任，亦都係對佢三個小朋友嘅一個教育，Stephy都曾經有領養呢個諗法，但要深思熟慮，因為係一生一世嘅責任呀！快啲睇足本訪問！
