【Viu】Stephy鄧麗欣由演員、歌手升呢以畫家「出道」，今日為首個畫展「Step into the Secret Garden」舉行開幕禮，成就大解鎖！才女開心表示夢想成真，共展出20幅靚畫作，當中以身後巨型油畫最大挑戰，用一個星期完成後條腰痛足兩個禮拜！
人美心善嘅Stephy更會將部分收益作慈善用途，唔知佢有冇諗過割愛、義賣畫作？男朋友Bryan第一個舉手買畫？講起男友，Stephy又冧豬豬樣啦，唔知呢對甜蜜情侶有冇試過互畫？講講吓，Stephy甜絲絲透露Bryan有為畫展出一分力，幫手搞英文版嘅畫作description，暗地裡放閃呀！
籌備畫展同時Stephy坦言都有留意到舊愛「王子」邱勝翊偷食人妻粿粿，到依家有冇同對方聯絡？當時同王子分手因為第三者？對方前途畫上句號？
另外，Stephy呢期好似躺着也中槍咁，噚日有雜誌驚爆蘇永康「秘會嫩版鄧麗欣」，Stephy指睇到嗰陣都嚇一跳呀！想知Stephy點講就去睇足本訪問啦！
