【Viu】古天樂今日出席代言活動分享旅遊心得，原來古生有嚴重鼻敏感，所以如果去外地拍戲要長住就會帶私家枕頭，仲笑言好彩咁多年都冇試過住酒店撞鬼咁話！咦？咁驚唔驚隱藏鏡頭先？古生就爆笑回應，真係「古」你唔到㗎！
講到古生同宣萱嘅合唱歌MV洗版，佢就親解咀戲嘅拍攝過程，原來「古宣」咀足成分鐘㗎，仲話自己「參考」咗宣萱嘅獨特錄音方法添！至於網友戥《尋秦記》喺金像獎捧蛋唔抵，古生就話獎項唔係最重要，亦視今次同宣萱出合唱歌同拍MV係《尋秦記》嘅延續篇。
至於有「古宣CP粉」鬧爆郭羨妮，同埋指古生同圈外女性秘婚生子，醒目嘅大家都知道古生點回應啦！當然唔少得回應埋有傳George加盟《九龍城寨之終章》演「龍捲風」私生子嘅傳聞啦！大家想知就睇足本訪問啦！
