【Viu】宣萱今日暫別「WTF烏廷芳」身份，以仙氣Look現身活動，仲分享食海鮮保養之道，又指自己嘅廚藝只限「叮叮」程度，好彩有「廚神遮遮」照顧個胃咋！講到《尋秦記》票房已經衝破7千6百萬，宣萱坦言已經Ready同古天樂齊齊跳唱《今期流行》派福利，又放風話想環遊世界謝票，希望古老闆帶隊咁話！
對於網友多年嚟一直愛戴「古萱CP」，宣萱梗係要講多謝啦，仲大方分享同Mr.Cool嘅相處之道，小編真係學到好多嘢㗎！既然《尋秦記》咁成功，再拍《刑事偵緝檔案》又有冇得諗呢？宣萱坦言有諗過，但自嘲一把年紀再拍談情戲好尷尬，之但係同小鮮肉拍姊弟戀又可以考慮喎，仲笑言要放上Threads畀大家投票添！
講到《尋秦記》勾起網友滿滿嘅集體回憶，仲有人召喚那些年嘅花旦吳美珩出山，身為老Best嘅宣萱就有回應喇！想知就睇足本訪問啦！
