【Viu】古天樂、宣萱、Sonija郭羨妮、滕麗名、朱鑑然等今日出席《尋秦記》慰勞宴，慶祝票房極速大收6千6百萬，場面熱鬧！身為「𠱁古生專員」嘅宣萱，繼之前解鎖咗Mr. Cool派心後，今日仲解鎖埋「古生飛吻」，全場睇到嘩嘩聲呀！
古生表示如果票房破億就有機會推出加長版，比依家大概多20分鐘，將會收錄更多項少龍嘅家庭戲、城寨居民反對大王嘅戲份等，期待Max！講到古生玩Threads震驚一眾網友，佢就逐一解答大家嘅疑問，連「入定」呢個「曼德拉效應」都解答埋，開庫咁款呀！宣萱都話好葡萄古生咁受「脆友」歡迎，未po嘢已極速吸咗十幾廿萬Followers，自己要一起身就玩Threads，兼且儲咗咁耐先有呢個數字，笑Cry呀！
講到網上流出《尋》片演員片酬，宣萱竟然話唔記得自己收幾錢，即遭古生「秒殺」，好彩宣萱都唔執輸，即席「大」古生話要合唱《今期流行》英文版，「古萱」鬥嘴實在太繽紛喇！
此外，Sonija同阿滕分享返「加長版」可以收錄嘅部份，對於Sonija喺25年前孖「古萱」去台灣宣傳時嘅片段驚艷網友，本尊就沾沾回應喇！想笑餐飽就睇足本訪問啦！
