【Viu】《尋秦記》團隊喺「第四十四屆香港電影金像獎頒獎典禮」re-u，紅地氈上，憑《私家偵探》、《尋秦記》入圍影帝嘅古天樂心情靚爆，話double開心，仲爆攞獎金句添！咁入圍女配嘅滕麗名又有冇信心攞獎？講到維港現「尋迷」準備嘅應援船，古生話都想集郵影相，對谷德昭喺IG表示隻應援船阻畫面，古生又點睇？宣萱揚言如果古生攞獎就任佢打，古生聽到笑得勁high，仲問可以打邊，超funny！問到古生隻復古3吋CD以長方形設計係方便佢簽名？佢又抵死話研究咗個縮細簽名，做男人果然能屈能伸！
入圍「新晉導演」、「最佳導演」、「最佳編劇」嘅舒淇，謙稱志在參與，又爆老公馮德倫會做表演嘉賓！老公回歸樂壇，舒淇抵死笑評Eason唱得好聽啲，嘩！驚唔驚老公嬲嬲豬㗎？之後兩公婆會合唱？
樂隊朱凌凌驚喜現身紅地氈，五子難得合體大放笑彈，楊偉倫全程負責做翻譯，SLDPK！佢哋話今日最主要嘅任務係頒獎，唔知佢哋準備咗段咩speech？之後個focus就落咗喺朱康身上，事緣Threads上面有位女士post咗張自拍相，自稱28歲單身，又被指同朱康撞樣，朱康亦有post返張自拍相回覆，成件事十個趣！咁佢本人又覺得似唔似樣？朱謙又認唔認呢位「妹妹」做新成員？遲下有機會以「兄妹檔」接job？而白只就揚言撐爆老best張繼聰攞影帝，會同阿聰一齊咆哮咁話！
男、女配角候選人Alex杜德偉、Michelle衛詩雅，齊齊話有信心攞獎，見Michelle一身透視look，佢沾沾話日日leg day操長腿兼蜜桃臀，老公周醫生滿唔滿意？Alex頸部嘅舊患康復進度如何？Rachel梁雍婷負責頒發「最佳男配角」，西裝褸look禾稈冚珍珠，入面真空超火辣呀！即刻先睇足本訪問！
