【Viu】林嘉欣今日現身活動，開心share連任「法國五月藝術節大使」14年，講到今年嘅難忘事，就必定係可以喺羅浮宮同《蒙娜麗莎》獨處成粒鐘，真係葡萄死人啦！同期佢喺台灣舉行柴燒陶藝展「餘靜」至今個星期日，展出170件作品，但依家僅賣剩8件，當中以男神許光漢為大買家，掃走多件陶瓷產品！林嘉欣透露大女都有參與其中，畫咗張水彩cover，而佢又指細女都對陶藝有興趣，有機會母女合作？佢又曾經收過細女啲咩愛的作品？有機會喺香港舉行陶藝展？
喺講同一對女嘅相處期間，林嘉欣扁嘴自爆曾被細女block IG，究竟發生了甚麼事？「死罪」係咩？依家有被unblock返？新劇《The Season》即將喺6月播出，林嘉欣許願可以齊人宣傳，一齊集氣啦！
另外，已故「賭王」何鴻燊與二房太太藍瓊纓長女何超瓊，原定以「法國五月藝術節董事會聯席主席」身份同場現身，惟三妹何超蕸於日前（12日）突逝，故未有出席。
