【Viu】台灣型男阮經天、林嘉欣、曾寶儀今晚出席新片《愛情城事》首映，講到小天同嘉欣喺片中有激情戲，監製曾寶儀大讚小天身材100分，拍檔嘉欣激讚200分，仲好回味咁話：「好耐冇情慾喇！」Wild言論嚇到寶儀同小天「成龍打保錡」呀！至於有份演出嘅鄭中基會唔會現身宣傳呢？寶儀就話睇對方意願，但自己有短訊問候對方。
笑指另一台星明道自爆唔少人以為《周處除三害》係自己演，小天笑言兩人多年嚟一直被指撞樣，私下都係好朋友，如果有機會合作演兄弟都唔錯呀！
此外，Stanley@MIRROR同女友Alina齊齊捧場，但婉拒受訪；肥腸就大方回應Edan追求林明禎一事，仲笑言啟發自己要用「少年的拼勁」追阿正，是咪講堅呀？而麥玲玲就即席批算「明登」嘅合拍程度，想知就睇足本訪問喇！
