【Viu】《全民造星VI》冠軍Teller今日處男單拖出event搵銀，冇咗班兄弟喺身邊，確係有啲啲緊張嘅！而為釋除緊張，Teller即場獻技rap咗一段嚟放鬆，都dope，都dope！佢又自爆中學時期成日同同學狂擦米線，由10小辣練成中辣金舌頭，希望遲吓再挑戰大辣！數到《造星VI》入面最食得辣嘅，Teller指丘藍必定係「辣王」，有實例證明添，至於「清湯組」佢就話係佢同Larry啦！
Teller quit咗份full time做全職藝人，笑言慢慢習慣中，回想返頭幾日出job係緊張到爆，依家開始發掘到做藝人嘅趣味！見佢啱啱post返啲韓國相出嚟，Teller話好掛住成個地獄式訓練trip，同成班兄弟一齊爭取攞分！
日前Teller受Gin Lee邀請挑戰One Shot Challenge合唱《一早知道的情歌》，佢開心話有設計咗段rap，又指有自薦做Gin Lee紅館騷嘉賓，唔知佢成唔成功呢？咁啱佢攞冠軍贏咗部車，可以照版煮碗同兄弟遊車河唱歌？定搞個busking唱歌畀fans聽？不過Teller笑言揸車前要補鐘，佢想搵邊個做師傅？第一個想車邊個？想知就睇足本訪問啦！
