【Viu】Ali李佳芯今日出席《皮膚的芯情》展覽，展出自家油畫同書法鼓勵受皮膚病困擾嘅朋友仔，又靚又叻得唔得㗎？Ali謙稱自己唔算完美，仲自爆最大缺點係唔識煮飯，細個時仲試過自創「叉燒醬炒魚蛋」畀哥哥食，創意十足喎！
Ali表示每次拍劇都受濕疹困擾，好彩只生喺身體，冇生上面，先至唔影響出鏡，所以早排去馬來西亞拍攝新劇《義和》時都有生濕疹，加上角色情緒起伏大，身心俱疲呀！Ali又話第一次做江湖大嫂好有挑戰性，打戲連場，不過係畀人打，笑言希望下次可以做打女打人咁話！
講到自組公司已經一年，Ali直言為咗親自傾生意，已將99% I人性格轉咗廿幾%去E人，希望多啲工作可以養到一班同事，祝Ali新一年心想事成啦！
