【Viu】人美心善嘅Ali李佳芯今日孖謝寧去到兒童家舍做義工，趁母親節教整蝴蝶酥！唔知女神Ali嘅手勢如何？最叻整咩嘢食？講到母親節，佢就話年年都會多個媽媽s一齊開party，同埋最重要嘅就梗係準備「大禮物」！Ali笑言因為媽媽係金牛座，所以對禮物寧舍有要求，要超實際加勁有誠意嘅先搞得掂，又自嘲曾失敗無數次，先養成依家百毒不侵之身！究竟當中曾經發生過甚麼事？
Ali預告嚟緊約6月尾、7月頭就會飛馬來西亞拍新劇，暫定拍2個月，佢話暫時睇劇本見自己個角色係走冷冰冰路線，仲有江湖背景添！唔知個角色狠唔狠、使唔使要好身手？抑或係全身都有紋身？同邊位演員有感情戲？係咪真係叫咗「陳浩南」鄭伊健客串演出？想知就睇足本訪問啦！
