【Viu】陳健安（安仔）今年第四首派台作品《伊甸有歌》嘅MV好「重女」呀！除咗有已息影嘅Cookies成員Miki楊愛謹出山做女主角，亦集合咗之前3首作品嘅MV女主角，包括：Super Girls成員Yanny陳穎欣、Lolly Talk成員阿蛋、 HotCha成員Regen，4個唔同年代嘅女團成員齊聚一堂，威啊！
安仔就話：「呢件事真係好癲，我好開心！係喎，我都係團隊（C AllStar）出身。可能係Oscar（MV導演兼填詞人）好鍾意團隊，無論女團男團，佢都好鍾意！」
新歌係安仔今年音樂企劃嘅壓軸作品，同之前3首MV故事互相呼應， 佢仲喺今次MV跳舞！安仔問Miki幾耐冇排舞，Miki回應：「真係好驚，雖然最近我有跳舞，只係for fun，但係拍MV就要認真，所以好有壓力，始終好耐冇郁過啦！」 安仔就話自己其實幾鍾意跳舞，但就好擔心隻腳嘅傷患。 想睇安仔今次拍MV有幾歡樂，記得click入嚟睇片喇！
