【Viu】林敏驄、伍詠薇、ANSONBEAN、Amy Lo、Chloe蘇皓兒、陳穎欣、吳肇軒同肥腸等今晚出席《觸電》首映，喺片中飾演夫妻嘅林敏驄同伍姑娘，唔止當眾扮咀，訪問時仲瘋狂暴走，狂講有味食字Gag，SLDPK呀！驄哥笑指同伍姑娘喺片中冇「磨擦」，但都可以「擦槍走火」，仲大讚伍姑娘靚足幾廿年，搞到自己唔止「失落於巴黎鐵塔下」，直頭想「塞落於巴黎屎塔下」呀！雖然伍姑娘畀驄哥嘅暴走式訪問搞到懷疑人生，但都想同呢位開心果再合作，咦？咁下次有冇親熱戲呢？估唔到「冇親熱戲」都可以演化成「母親熱氣」，真係要寫個服字畀驄哥喇！
講到羅莾嘅情況，驄哥繼續搞Gag笑指前輩可能又唔見電話，所以姍姍來遲，咁驄哥會唔會送部新電話畀羅師傅呢？佢又嚟料喇！
此外，ANSONBEAN、Amy Lo同Chloe都大讚驄哥十足電兔一樣活潑，Chloe仲自爆喺「生活上」同驄哥有交流，講到「紅都面晒」，想笑餐飽就睇足本訪問啦！
