【Viu】鬼才林敏驄呢期孖Yanny「父女檔」主演以電競為題材嘅電影《觸電》，眾所周知兩位都係玩得之人，玩起上嚟嘅癲喪程度更係不相伯仲，唔知佢哋呢次合作會擦出咩火花？對住呢位咁跳掣嘅「Daddy」，Yanny笑話係冇招數可以應付到，唯一嘅方法就係享受，咁算唔算投降㗎？雖然驄哥自爆同「阿女」嘅DNA唔多夾，但都不忘大讚Yanny似佢，遠睇、近睇都一樣咁靚呀！
講返電競主題，驄哥爆肚指祖傳三代都係電競猛人，其中阿爺喺晚清乾隆年代已經攞過兩屆冠軍，呢單嘢係威水定吹水，就由你哋去諗諗啦！Yanny就爆料話會課金玩game，仲要係會課4位數字添㗎！既然佢哋個電競底咁深厚，準備咗個電競術語quiz畀呢「兩父女」，究竟佢哋會答岩幾多題？
另外，驄哥已經諗定自掏腰包，遲吓開戲畀Yanny，仲度晒橋叫「阿女」同馮素波、鮑起靜組新「女臀」晒「美臀」，個方向係咪送外賣先？Yanny應唔應承？佢又會點sell自己條絕世好橋？即刻click入嚟睇片啦！
