【Viu】Lokman@MIRROR、BabyJohn呢對《狂舞派》Buddy又有新搞作！今次孖住女神Yanny一齊合演《我推的男子》，佢哋仲喺劇中組新跳唱男團B&L添！至於Yanny就係飾演化妝師兼鐵粉「蚊蚊」，講到追星經驗，佢笑話係比起一般嘅fans古怪，BabyJohn聽完更形容為「大屠殺」，係咪全因愈愛愈恨？另一邊廂，BabyJohn嘅追星經驗就令全場人都勁葡萄，眾望所歸當選為「追星天花板」呀！
劇中講述B&L意外獲得鹹魚翻生機會，就係行BL路線吸金！Lokman、BabyJohn大爆收到份劇本嗰陣都嘩嘩聲，指對比起肉體嘅接觸，更期待喺心靈上嘅交流，誓令觀眾睇到小鹿亂撞、紅都面晒！唔知Lokman又會唔會重溫Edan、Anson Lo嘅港版《大叔的愛》取取經呢？另外，為令B&L提早進入BL嘅世界，蚊蚊特別準備咗個親密接觸小遊戲，同時亦係為大家謀福利！溫馨提示：小心睇到尖叫呀！
