【Viu】林家謙、洪嘉豪、陳健安順利完成首個合體拉闊騷，受訪大談個唱感動位，家謙又為唱錯歌詞而解畫！數到最精彩部份就不得不提打call嗰part，Kaho之所以打得咁放，原來係因為Oscar落咗order，佢又講到三子所擔當嘅角色，邊個熱情、邊個傻仔、邊個厭世？On仔更自爆向排舞師加動作，被家謙笑係始作俑者！
笑問三子之後有冇機會組跳唱男團？點知佢哋勁爽快話可以，最快見到佢哋再合體會唔會就係喺家謙個唱？家謙呢次再透露更多個唱資訊？跟手就梗係要follow返喺《破·地獄》金像獎慶功宴上，楊受成熱情游說家謙簽英皇呢單嘢啦，究竟楊生會唔會變龜蛋？家謙回應嗰陣拉埋Tyson Yoshi落水？
個訪問最後就交由Kaho去round up，佢揚言要講足半個鐘感言，出名計仔多多嘅Kaho，提議三子下次合體做一件事，會係咩事呢？睇完足本訪問嘅你唔好走咗去呀，片尾繼續送上三子嘅唱歌實況片，喺唱《重生》嗰陣有兩位神秘嘉賓加入，就係呢個騷嘅劇場演員Amy Lo同梁仲恆啦！
