【Viu】樂隊ZEN返嚟啦！適逢今年係佢哋出道30周年，4子決定合體開首個演唱會同fans慶祝，更事先講明誓要唱爆麥花臣！佢哋透露其實一直都有開騷計劃，但就有拖延症咁遲遲未能實行，最終係「大師兄」和興負責「吹雞」，4子立即歸位籌備個唱！
重提ZEN喺1995年一出道就拎新人獎，成當紅樂隊之一，但夾band 5年後就進入休團mode，點估到一休就休足成廿年咁耐呀，4子之後嘅發展如何？佢哋有咩情深說話要同fans講？
早排ZEN喺Chill Club頒獎禮上，同太極、Dear Jane、Pandora、ROVER，嚟個「四代同堂」crossover，4子再次踏上舞台演出，內心係咪好滾動？有冇激發創作嘅小宇宙寫新歌？問到佢哋私下有冇留意樂壇動向、最欣賞時下邊隊band嗰陣，某成員忍唔住「騎劫」賣廣告，到底係邊個？而去到片尾，ZEN話要送首歌畀大家聽，兼約定大家8月尾喺麥花臣見！
