【Viu】書展Day 1有日本前AV女優、現轉戰DJ界嘅Mao浜崎真緒！Mao今日舉行引退海報簽名會，吸引半百fans嚟撐場，令Mao超感動呀！雖然Mao呢日裝束超密實，件衫包到上喉嚨椗，但都難掩佢F級導彈身材，佢笑話因為場地唔方便着得太性感，所以連本無碼引退寫真都入唔到場呀！
Mao揚言就算之後再出寫真，都唔會再咁性感，今次堅係出道以嚟最大尺度，唔知Mao最鍾意係邊個look？Mao又預告書入面會有驚喜，人人有份！但終極驚喜就只得一個人獨享，有機會可以同Mao有獨處，至於會做啲咩？Mao即刻笑笑口、勁嗲咁話：「秘密！」omg，真係好令人想入非非！
日前Mao上ViuTV節目《晚吹-怨女俱樂部》大談引退原因，佢話冇諗過會有咁大迴響，可能真係比較少女優會咁坦白，但Mao直言講出嚟嘅事例只係冰山一角，指如果本寫真賣得好，會再出本書大爆更多做AV女優嘅內幕！
另外，因不滿台灣知名AV評論人「一劍浣春秋」對其解約原因嘅評論，Mao喺噚日（15日）已委託台灣律師發嚴正聲明，指對方未經查證即作出公開評論，嚴重損害其名譽、現任經紀公司聲譽，限對方3日內公開道歉。即刻去片睇足本訪問！
