【Viu】Kelly陳慧琳紅館騷噚晚去到第4場，適逢係Kelly入行30週年！Kelly同嘉賓Janice衛蘭合唱 《心亂如麻》，兩個仲唱到拖住手！Kelly喺台上問唔識中文嘅Janice點睇歌詞，Janice就考返Kelly，睇佢識唔識自創版拼音， Kelly連估10句先認得出係《就算世界無童話》， 仲用潮州腔演唱， 笑爆全場！
至於Kelly唱《Shake Shake》同《花花宇宙》時，捧場嘅Kenny關智斌都忍唔住起身一齊跳，High到爆！
Kelly喺騷上亦有同Super Band感性對談，Kelly話：「十年後肯定肥很多」。 演唱會上仲播咗2008年Kelly淚灑舞台片段，當時佢問：「如果我再喺度開演唱會，你哋仲會唔會嚟睇？如果我生埋仔捧住兩個B，仲可唔可以著短褲跳《大日子》、《花花宇宙》？」Kelly依家再睇仍然眼濕濕，「當時結婚諗住退出，點知原來唔使退，你哋包容度咁高！」
Kelly又話10年後再搵啱佢年紀做嘅嘢，佢又搞笑問：「仲係唱快歌，你哋會唔會嘔呀？重新編過第二樣嘢咪得囉，鈣質舞都得呀？你哋得，人哋又笑我。」想睇Kelly跳唱兼搞笑，仲唔入嚟睇現場實況片！
