【Viu】早前趁父親節宣布將榮升爸爸嘅方力申，今日出席商場活動賺奶粉錢，親自報喜話BB預產期係年底，「蛇B」亦同自己好夾，但婉拒公開BB性別，反而自爆太太葉萱喺得悉BB性別後「玩」足自己一日，搞到佢懷疑人生呀！
小方透露太太孕吐唔嚴重，但口味突變，亦擔心懷孕會變肥，所以自己都要多花時間陪伴，仲爆好友鍾嘉欣Send錄音嚟鼓勵太太，超級Sweet！
雖然小方笑言結婚係為咗學做好男人，所以目前全職做司機同助手，副業教游水，再副業先係唱歌，仲自爆喺屋企已經冇地位，父母知道有孫抱後已經徹底「放棄」個仔，仲夾埋老婆焗自己拆咗間玩具房做BB房。其實搬大啲咪得囉？盛傳擁有過億身家嘅小方，仲親解呢個江湖傳聞添！想體驗男人嘅樂與苦，就睇足本訪問啦！
