【Viu】Danny Summer夏韶聲今日現身書展，為《天眼》特別版舉行簽名會，仲搵埋13歲孫仔Kyle嚟撐場，呢對公公、孫仔更有嘴對嘴錫錫，勁閃呀！笑問Kyle有冇買書支持公公？Kyle即刻話有，真係乖！Danny笑指乖孫比佢更「疊水」，不過有時就好孤寒，係咪要爆孫仔秘密？
Danny嚟緊8月頭開兩場紅館騷，最近密密練結他練到手痛又腰痛，難怪佢靜雞雞笑話好辛苦啦！會唔會邀請古天樂、「徒弟」陳小春做嘉賓？有學打鼓嘅Kyle又會唔會上台？
佢又預告騷後會進入另一個世界，就係繼續畫漫畫啦，唔知會唔會預埋孫仔份，嚟個crossover？日本漫畫家龍樹諒喺1999年創作嘅漫畫《我所看見的未來》中提及7.5大地震預言，鍾意研究天文現象嘅Danny又有冇聽過？又信唔信？另外，提及黎彼得以「最紅嗰時唔見佢開」嚟評Danny開紅館騷，繼而又話「阿豬阿狗都搞演唱會」，Danny即爆seed回應，勁霸氣！想知就睇足本訪問啦！
