【Viu】樂隊ROVER今日喺沙田出席活動為DSE考生打氣，噚日先喺外地返港嘅四子，仲準備咗親手摘嘅椰子畀同學仔做手信，so sweet！講到DSE，希晉同Kim都自知唔係讀書材料，Chill住考；Jason就認叻有幾個學位揀；仍然讀緊大學嘅亨仔就做人辦鼓勵大家讀到30歲都可以讀！
ROVER透露為咗團綜同活動，噚晚返聽朝就走，Jason笑言終於體驗到明星生活，又話曬到超黑，仲叫Kim露出手腕嘅兩截色。希晉今次係最用腦嘅團綜，仲爆亨仔熱到瀕臨生死邊緣添！
至於同師兄Tiger Cover《IGNITED 》，佢哋多謝「虎師兄」仗義幫忙，仲笑認未夠級數學師兄揸超跑，頂盡襯揸泥頭車，笑爆呀！想知ROVER仲想解鎖邊位MIRROR師兄？睇足本訪問就知啦！
