【Viu】《新城33周年台慶Show》今日喺會展舉行，Maggie張可頤擔任特別嘉賓，以主題「傾心‧時刻」上演小型Talk騷，大方透露真實年齡：「我今年55歲，so what！」更透露做過金融，最後揀咗最辛苦嘅工作演員，先搵返真正嘅自己，提醒大家要「物隨心轉」。
Maggie話呢個騷足足用咗five full day寫咗30個版本，仲不斷錄音排練搞到喉沙。身為女團始祖PP GALS成員，咁有冇歌癮先？Maggie話只會沖涼時唱下，仲即席表演兩句添！佢仲話「好彩隔離嗰個冇投訴」，喂呀仲有冇多啲料爆呀？
