【viu】Bosco黃宗澤同張繼聰喺英皇電影《紮職3》中繼續「揸刀搵食」，今次仲有「神級型佬」鄭浩南加盟做大佬，呢位「男人天花板」激發兩位型男嘅「容貌焦慮」，加上其中一幕要喺旺角被追殺嘅戲份，令Bosco急急搵阿聰嘅教練加操，Keep住「凍齡男神」呢個美譽呀！
Bosco坦言為角色可以去到好盡，演凸腩脫髮中坑都冇所謂；反而阿聰就笑言難得可以行偶像路線，一定要孭住個「偶包」行走江湖，除非「先生，加點錢！」，真係笑到有腹肌呀！除咗角色要「加錢」，阿聰仲撩Bosco做跳唱組合，齊齊跳「踏點步」，又爆笑指控時下年輕偶像「做壞規矩」，唔使加錢就除衫。喂呀！是咪想笑死小編呀！
雖然阿聰「這樣討厭」，但Bosco「完美如此」，當然「能共你好好地相處」，仲約定拍《紮職4》，故事大綱都諗埋，想知就loop爆Viu1專訪啦！
