【Viu】林家謙今晚到會展為「新城33周年台慶Show」擔任壓軸表演嘉賓，一出場獻唱《一人之境》，掀起全晚高潮！家謙話今晚聽咗《一人之境》兩次，笑言自己都嚇親，估唔到首歌陪住大家成長，流行經典咗33年？
今年33歲嘅家謙稱同新城特別有緣份，新城慶祝33周年，自己都係同年生日，又叫大家唔使提佢咩數字。佢自己係處女座，都當埋新城都係處女座咁話，然後要送多首《在空中的這一秒》畀觀眾。家謙最後同新城首席營運總監馬浚偉等管理層、節目主持齊齊切蛋糕慶祝新城廣播33周年，佢喺台上同馬仔握手，兩人有偈有講咗好耐。
